ЗБОРНЇК РОБОТОХ „STUDIA RUTHENICА” 27 (40)
Нови Сад, 2021, 182 боки
Дружтво за руски язик, литературу и културу (основане 4. 12. 1970. року у Новим Садзе) видава свой глашнїк од 1975. року. Глашнїк/рочнїк по 1987. рок мал назву Творчосц, a од 1988. року виходзи як StudiaRuthenica. Обявени 13 числа Творчосци и 27 числа часопису Studia Ruthenica (вєдно 40 глашнїки). Од трецого числа Studia Ruthenica виходзи як зборнїк роботох.
У 27. чишлє зборнїку Studia Ruthenica (штерацетим глашнїку) обявена друга часц прилогох зоз 6. Науково-фахового сходу хтори отримани 4. децембра 2020. року у Новим Садзе у рамикох Програми означованя 50 рокох од осниваня Дружтва (1970-2020) и 30. ДньохМиколи М. Кочиша (1990-2020) под назву „Руски язик, литература, култура, просвита и публицистика“, зоз надпомнуцом же по тераз отримани пейц науково-фахово сходи у Новим Садзе: перши бул 1993. року, други 1998, треци 2005, штварти 2010 и пияти 2014. року. Роботи зоз спомнутих сходох обявени у Зборнїку роботох Дружтва „Studia Ruthenica“, числа: 3, 7, 10, 15, 20 и 26.
Пре епидемиолоґийни обставини корона-вирусу 6. Науково-фахови сход нє отримани як звичайно у сали зоз учешнїками, алє як он-лайн информация у рамикох хторей авторе под час 2020. року по интернету посилали науково-фахово и литерарни прилоги Дружтву як орґанизаторови сходу. Прилоги представени 4. децембра 2020. року у Новим Садзе. Сход мал два часци, у першим представена 31 робота хтори пририхтали 29 авторе зоз обласци руского язика, литератури, култури, просвити и публицистике и хтори обявени у 26. чишлє StudiaRuthenici. У другей часци було слова о кратких руских приповеткох, хтори пре обсяжносц прилогох зоз першей часци нє видруковани у 26 чишлє, алє ше обявюю у тим 27. Авторе кратких руских приповедкох и назви их приповедкох тоти: мр Славомир Олеяр, Плехова шкатулка за цверни, Юлиян Пап, Дюра з Керестура, Нашо нарови - Нїкому нє гутор! Ирина Харди Ковачевич: Емилко, Михал Симунович, Шерца каменого, Љубомир Медєши, Звада и порада и Терезия Кубанїйова, У Юганки на свадзби.
У медзичаше достате ище єдно число роботох зоз обласци руского язика, литератури и публицистике хтори ше обявює у тим 27. чишлє, а то: др Юлиян Рамач, Нови Сад, Два толкованя ґу народней шпиванки Кед сом вчера вечар при капурки стала, др Михайло Фейса и мср. Сенка Бенчик, Язичне пасмо турского походзеня у руским язику, мр Славомир Олеяр, Tурцизми у руским язику, мр Славомир Олеяр, Лемовичи (Lemovices) и Лемки (Lemkos), Желимир Пап, Информацийни технолоґиї у функциї информованя Руснацох, Руснаци и диґитални технолоґиї, Любица Отич, Овиковичена пришагана„шалєнимкаменю“, Дружтвено-историйни змист винчаних портретох у Музею Войводини и Юлиян Пап, Вирни приятелє Старогреческа леґенда
Друга часц StudiaRuthenici 27 пошвецена програми означованю 50-рочнїци Правопису руского язика Миколи М. Кочиша и 31. Дньом Миколи М. Кочиша у рамикох хторей представени и обявени прилоги: мр Гелени Медєши, 50-рочнїца виходзеня Правопису руского язика Миколи М. Кочиша (1971) и Правописна норма у сакралних и секуларних текстох, а тиж и Питальнїк за наставнїкох основних и штреднїх школох хтори орґанизую наставу по руски.
У трецей часци StudiaRuthenici 27 ше находза прилоги о новиших виданьох, рецензийох и приказох, а пририхтали их: др Михайло Лїкар: Компютерска прецизносц условнїку проф. др Михайла Фейси, Словнїк компютерскей терминолоґиї, мр Славомир Олеяр, Рахункарска терминолоґия: преложена, описана чи прилагодзенадр Михайло Фейса Словнїк компютерскей терминолоґиї, мр Гелена Медєши, Язики як мости злучованя, мр Гелена Медєши и мр Славомир Олеяр, Поезия у малюнкох, малюнки у поезиї Соня Папуґа, Думки ми лєца / Мисли ми лете писнї-песме, Ирина Папуґа, Три язику у єдней кнїжки, Сенка Бенчик Лексични паралелизми, Ирина Папуґа, Зборнїки роботох Studia Rutheniса 25 и 26 и Блажена Хома Цветкович, Язични аларм, Поуки з язика, виводи з рецензийох: Михал Симунович, др Юлиян Рамач и др Михайло Фейса
Штварта часц зборнїку пошвецена здогадованьом на: Янка Голика (1949-2020), Янка Барну (1955-2020), Блаженку Кохутову (1944-2020), Юлияна Каменїцкия (1938-2020), Владимира Дудаша (1933-2021), Ирину Натюк (1948-2021), Ивана Папа (1946-2021) и Сенку Бенчик (1973-2021)
Пията часц зборнїку: Хронїка Дружтва за руски, язик, литературу и културу у рамикох хторей тоти прилоги: список наградзених науковцох и фахових сотруднїкох, институцийох и орґанизацийох за потримовку активносцом Друштва у прешлим 50-рочним периодзе, активносци Дружтва у 2020 и 2021. року, список нових членох Дружтва и список членох Дружтва хтори помогли видаванє „Studia Ruthenici“ 26 и 27 за 2021. рок.
*
Часопис зборнїк роботох „Studia Rutnenica" виходзи на основу члена 32. Статута Дружтва, хтори глаши: „Дружтво видава свой глашнїк/рочнїк у хторим шe oбяавюю прилоги сотруднїкох хтори разробюю питаня язика, литератури и културе як и написи зоз eтнолоґиї, етноґрафиї, eтномузиколоґиї и други, a вязани су за язички и духовни идентитет Руснацох. Oбяавюю ше и информациї вязани за статутарну дїялносци Дружтва. Глашнїк шe видава виключно зa популаризованє дїялносци Дружтва“.
Зборнїк „Studia Rutnenica" ма Редакцию у составе: др Юлиян Рамач, главни редактор и члени: др Александер Д. Дуличенко, др Оксана Тимко Дїтко, др Михайло Лїкар, др Михайло Фейса и Блажена Хома Цветкович, лектор и коректор мр Гелена Медєши, за видавателя Ирина Папуґа, секретар Друштва.
Видаванє „Studia Rutnenici“ 27 (40) за 2021. рок финансийно помогли: Покраїнски секретарият за образованє, предписаня, управу и национални меншини-национални заєднїце, Нови Сад и Национални совит рускей националней меншини Сербиї, Руски Керестур на чим сердачно дзекуєме.
Нови Сад, 3.12.2021. року. Ирина Папуґа
