7. схадзка Предсидательства
ПОВОЛАНКА ЗА 7. СХАДЗКУ ПРЕДСИДАТЕЛЬСТВА
Поволуєме Вас на 7. схадзку Предсидательства Дружтва за руски язик, литературу и културу, хтора ше отрима, соботу, 1. марца 2008. року на 11,00 годзин у Заводу за културу Войводини, Нови Сад, Войводи Путнїка 2.
ДНЬОВИ ШОР:
1. Записнїк зоз 6. схадзки Предсидательства Дружтва;
2. Препатрунок активносцох медзи двома схадзками;
3. Финансийни звит Дружтва за 2007. рок;
4. Календар активносцох Дружтва у 2008. року;
5. Р и ж н е
Зоз поволанку посиламе материяли за 1. 2. и 4. точку, а за трецу достанєце на схадзки. Модлїме же бисце вжали учасц.
З почитованьом.
Секретарe Дружтва,
Владимир Салонски, в. р
Наталия Рамач, в. р.
Предсидатель Предсидательства Дружтва
Янко Барна, в. р..
З А П И С Н Ї К
зоз 6. схадзки Предсидательства Дружтва за руски язик, литературу и културу у преширеним составе, хтора отримана штварток‚ 25. октобра 2007. року на 16,00 годзин у Заводу за културу Войводини, Нови Сад
На схадзки присуствовали др Ксения Кугайда, Владимир Дудаш, др Юлиян
Рамач, Славко Пап, Владимир Манько, Владимир Дороґхази, Аранка Медєши,
Анита Ґовля, Владимир Салонски, Наталия Рамач и Ирина Папуґа. Одсуство
зоз схадзки оправдали: Мария Бесерминиї, Гелена Гафич Стойков и Мелания
Сабадош. Зоз схадзку руководзела др Ксения Кугайда, подпредсидатель
Предсидательства. На початку схадзки зоз минуту цихосци дата почесц
Еуфемиї Варґа (1935-2007), зоз Нового Саду. Предложене же би дньови
шор бул преширени зоз точку: Програма Друштва за 2008. рок.
ДНЬОВИ ШОР:
1. Записнїк зоз 5. схадзки Предсидательства Дружтва;
2. Препатрунок активносцох медзи двома схадзками;
3. Актуални питаня виучованя руского язика на початку
2007/2008. школского рока;
4. Активносци Дружтва у II полрочю 2007. року;
5. Програма Друштва за 2008. рок и
6. Р и ж н е
Точка 1.
Записнїк зоз 5. схадзки Предсидательства Дружтва, отриманей 1. марца 2007. року у Новим Садзе прилапени.
Точка 2.
Препатрунок активносцох медзи двома схадзками (материял состойна часц записнїку) прилапени зоз дополєньом же 27-28. септембра 2007. року у Прешове (Словацка) отримани семинар под назву „Язична култура и язична норма у русинским язику“ на хторим вжала учасц мр Гелена Медєши (Нови Сад). Сообщеня зоз спомнутого сходу, як и зоз 3. медзинародного конґресу русинского, руского язика у Кракове (Польска) буду обявену у идуцей „Studia Ruthenici”.
Точка 3.
Актуални питаня виучованя руского язика на початку 2007/2008. школского
рока ше одношели насампредз на статус наставного предмета „Мацерински
язик зоз елементами националней култури” хтори ше у Правилнику за основно
образовање и васпитање за V класу, 2007/2008 шк. року находзи у ґрупи
виборних предметох В, под числом 6 цо нєпримерено нїско. З тим у вязи
послате реаґованє компетентним институцийом просвити и обрзаованя. У
медзи чаше сцихол одвит Министерства просвити зоз Беоґраду, дзе ше медзи
иншим констатує же у тей хвильки нєт можлївосци на иншаки способ реґуловац
тот предмет, як и же согласносц за даванє согласноци на формованє одзелєньох
хтори маю менєй як 15 школярох дава АП Войводина (ПСОК). З тим у взи
треба же би ОШ у Суботици и Кули, у хторих началнїк зоз Сомбора поставял
питанє орґанизациї дальшого пестованя рускохо язика контактовали зоз
представителями ПСОК и так предлужели активносци у тим, 2007/2008. школским
року. Препатринок виучованя руского язика по наших местох шлїдуюиуци:
- у Сримскей Митровици: приявени 15 школяре основношколского возросту,
11 зоз штреднїх школох и 9 одроснути (30%);
- у Шидзе, Бачинцох и Бикич Долу єст 53 школяре, з тим же порушана и
активносц у Беркасове за 5 школярох (90%);
- у Беоґрадзе ше ище нє почне зоз пестованьом док ше нє достанє одвит
компетентних институцийох зоз Беоґраду;
- у Вербаше ше число школярох (пре спомнути статус язика) зменшало на
45, алє настава остава зоз 100% надопольнєньом;
- у Ґосподїнцох настава пестованя руского язика заступена зоз 20% як
и прешлого року (преподава Наташа Макаї Мудрох);
- у Новим Садзе хорованє Мариї Бесерминї (6-8 тижнї) ришене зоз замену
Наташи Макаї Мудрох (80%);
- у Савиним селу ше пестованє отримує на штирох язикох националних меншинох:
по руски, мадярски, словацки и українски. Руски дзеци єст 5-8;
- пестованє на штреднїм ступню у Новим Садзе ше орґанизує вовторок од
17-19 у ТШ и соботами од 11-13 у РКПД;
- пестованє на пред. возросту ше предлужу у Вербаше (30%), Новим Садзе
(5-10%), а по можлївосци и у Кули и Шидзе;
- у Кичинеру (Канада) ше по першираз 27.10.2007. року почнє зоз пестованьом
руского язика зоз потримовку РДСА. Дружтво послало програму пестованя
за основне и штреднє образованє. Потримац подобну активносци и у обласци
Саскачеван у Канади.
И надалєй ше закладац за виучованє руског язика у наших штредкох, а
порушовац и снованє школох народноснох, окреме у городских штредкох.
Тиж ше намагац на виучованю фаховей терминолоґиї на факултетским уровню
итд.
Точка 4.
Активносци Дружтва у II полрочю 2007. року прилапени зоз шлїдуюцима
дополнєнями:
- 9. 10. ше наполнєло 75 роки од народзеня Меланиї Павлович, писательки,
а 10. 11. будзе 5 роки од єй шмерци. Програма Поетски нїтки Меланиї
Павлович ше отрима под час Дньох Миколи М. Кочиша (8.12.2007), собщеня
пририхтаю: мр Лука Гайдукович, Дюра Латяк, Оливера Шиячки и Ирина Гарди
Ковачевич. Городска управа за културу Нового Саду уплацела 20.000,00
динари за реализацю. О програми информовац и родзину (шестру) Меланиї
Павлович у Руским Керестуре;
- 26. 10. на Сайме у Београдзе (штанд националних меншинох) будзе промоция
виданьох дружтвох за язики, литературу и културу, а з тим у вязи и тогорочней
продукциї нашого Дружтва;
- 14. 11. ше у Студию М Радио Нового Саду планує концерт з нагоди 70-рочнїци
од народзеня композитора Ивана Ковача;
- реализовац активносци у вязи зоз конкурсом о басни у Новим Орахове
(2006). Комисия у составе Ш. Гудак, Г. Г. Стойков и Н. Рамач треба же
би препатрела роботи и преглашела резултати.
17. програма Дньох Миколи М. Кочиша отрима ше од 1. по 22. децембер
2007. року и облапи шлїдуюци активносци:
- 31. 11. 2007. - кладзенє квеца на гроб Миколи М. Кочиша, Ивана Ковача,
Меланиї Павлович и Дюри и Еуфемиї Варґа на Гороским теметове у Новим
Садзе,
- 01. 12. 2007. - схадзку Скупштина Дружтва на хторей ше розпатри звит
о роботи (зоз финансийним препатрунком) у 2007. року и програма за 2008.
рок, потим будзе додзелєне 5. припознанє проф. Гавриїла Г. Надя Ксениї
Варґа проф. руского язика зоз Руского Керестура, а тиж и вецей припознаня
зоз подобу Миколи М. Кочиша поєдинцом и институцийом хтори допринєсли
програмним активносцом Друштва, а то: Ивана Торжич, Ана Римар, Мария
Чурчич, Мелания Маринкович, др Душан Дрляча, Михайло Горняк, др Михайло
Лїкар, др Микола Новта, др Любивоє Церович, Любомир Медєше, Мирослав
Алексич, Лїляна Радуловачки, мр Гелена Медєши, Любица Малацко, як и
ПСОК, ПС за предписаня, управу и национални меншини и Служба за общи
и заєднїцки роботи ВР АПВ.
- промоция кнїжки Любомира Медєша Руска традиция у присустве автота
хтори наявел приход зоз Канади;
- 08. 12. 2007. - Поетски нїтки Меланиї Павлович у Заводу за културу
Войводини;
- Подружнїца Дружтва у Коцуре пририхта театралну сличку Заячок на ляду
на текст сликовнїци Миколи М. Кочиша;
- промоция Словнїка медицинскей терминолоґиї у Руским Керестуре, Вербаше,
Дюрдьове и других руских штредкох;
- вистава зоз 3. подобовей колониї Стретнуце у Боднарова у РКПД, Нови
Сад и Подобовей ґалериї у Темеринє.
- 22. 12. 2007. - у сотруднїцтве зоз Основну школу и ґимназию „Петро
Кузмяк” у Руским Керестуре означиц 30 роки вибудови найновшого школскоги
будинку 1977. року. З тим у вязи будзе предложене орґанизованє подобовей
вистави Фриди Кало (Мексико) Завода за културу Войводини зоз можлїву
подобову колонию керестурских школярох.
Точка 5.
Програма Дружтва за 2008. рок (зоз финансийним планом) подзелєна на схадзки зоз предкладаньом же ми була розпатрена у подружнїцох и секцийох Дружтва. Зауваги и дополнєня доручиц под час новембра 2007 року.
Точка 6.
Рижне:
- Општина Вербас уплацела 50.000,00 динари за пошоренє (билєнє, фарбенє
..) парохиялного будинку за роботу и активносци Подружнїци Дружтва и
етно збирки у Коцуре. Финансийни звит (зоз рахунками) будзе доручени
Општина Вербас после реализаци. У планє же би подобово роботи (леґат)
Евґена Кочиша зоз Зомбора бул поставени у етно збирки, а тиж и други
етно материли хтори ше прозбераю.
- од Покраїнского секретарияту за управу, предписаня и национални меншини
достати 50.000,00 динари (конкурс у длугим полрочю 2007), од того: за
кнїжку Любомира Медєша; Руска традици 20.000,00. динари, за першу фазу
проєкту з обласци музичней творчосци др Юлиян Рамач и Михайло Лїкар,
хтори будзе тирвац три роки (2007-2009), тиж 20.000,00 динари и за диґитални
фото-апарат (10.000,00). Диґитални фото апарат купени, а средства за
нову кнїжку, односно проєкт буду реализовани у новембру-децембру 2007.
року.
- на вимогу Центру за науково информациї Народней библиотеки Сербиї
зоз Беоґрадu, попри прикладнїкох „Studia Ruthenici” 11, 2007. послатe
и конветроване виданє (на CD).
- потримани писани намаганя др Юлияна Рамача и Владимира Сабо Дайка
коло врацаня назви Руского календара (текст у прилогу). Заключенє зоз
схадзки зоз прилогами послац „Рускому слову”, Нови Сад.
- у Сримскей Митровици ознова порушане врацанє назви Рускей (Русинскей)
улїци. Дружтво послало потримовку.
- тексти за 12. число „Studia Ruthenici” у преламованю уж длугши час
(од авґуста), алє Ева Баранова ше досц нєодвичательно одноши коло доручованя
прилогох на коректуру (за єдну часц текстох: 5 дипломски роботи студентох
єй у преламованє виплацени ище прешлого року). По можлївосци реализовац
зоз ню тото число, а потим поглєдац нову особу за преламованє и ушоренє
наших виданьох.
Схадзка закончена на 18,30 годзин.
Записнїчар: Наталия Рамач,
секретар Дружтва
Др Ксения Кугайда,
потпредсидтельства
Предсидательства Дружтва
ПРЕПАТРУНОК
АКТИВНОСЦОХ ДРУЖТВА ЗА РУСКИ ЯЗИК, ЛИТЕРАТУРУ И КУЛТУРУ
МЕДЗИ ДВОМА СХАДЗКАМИ ПРЕДСИДАТЕЛЬСТВА
2007. рок
Октобер:
25.10. – 6. схадзка Предсидательства Дружтва за руски язик, литературу
и културу, Нови Сад;
30.10. – схадзка коло програми означованя 70-рочнїци Ивана Ковача у
Заводзе за културу Войводини, у Новим Садзе;
Новембер:
09-18.11 - XIV културна манифестация Костельникова єшень у Руским Керестуре,
Кули, Новим Садзе, Вербаше;
14.11 – концерт з нагоди означованя 70-рочнїци Ивана Ковача (1937-1992)
у Стидию „М“ Радио Нового Саду.
30.11. – положене квеце на гроби Миколи М. Кочиша, Ивана Ковача, Меланиї
Павлович и Евфемиї и Дюри Варґи;
Децембер:
01.12. – 3. схадзка Скупштини Дружтва за руски язик, литературу и културу
зоз звитом за 2007. рок и програму за 2008.
Додзельованє плакети Гавриїл Г. Надь Ксениї Варґа и вецей припознаньох
зоз меном Миколи М. Кочиша;
08.12 - Литературна манифестация Поетски нїтки Меланиї Павлович у Заводзе
за културу Войводини - учaшнїки зоз
сообщенями: мр Лука Гайдукович, Оливера Шиячки, Дюра Латяк и Ирина Гарди
Ковaчевич,;
11.12. - промоция виданьох Дружтва за руски язик, литературу и културу:
Словнїк медицинскей терминолоґиї сербско-
латинско-руски, Studia Ruthenica 11 (24) у Народней библиотеки (Замок)
у Р. Керестуре. Народней библиотеки
(читальнї) придати дарунки: кнїжки Меланиї Маринкович и документация
Мирона Жироша о Геленки Жирошовей;
14.12. - промоция кнїжки: Любомир Медєши: Руска традиция, 2007, учашнїки
рецензенти: др Душан Дрляча, Михайло
Горняк, др Любивоє Церович и автор кнїжки, Музей Войводини, Нови Сад;
17.12 - театрална сличка за дзеци: Микола М. Кочиш: Заячок на ляду у
Основней школи „Братство єдинство” у Куцуре;
17.12. - промоция кнїжки: Любомир Медєши: Руска традиция у Суботици;
18.12. - промоция кнїжки: Любомир Медєши: Руска традиция на Катедри
за руски язик и литературу Филозофского
факултета, Нови Сад;
20-22. 12. - означованє 30 рокох од вибудови (найновшого) будинку Основней
школи и ґимназиї „Петро Кузмяк” у Руским
Керестуре: округло стол и документацийна вистава;
21.12. - промоция виданьох Дружтва: Словнїк медицинскей терминолоґиї,
Руска традициї, Кухарка и Studia Ruthenica 11 (24)
у Основней школи у Дxрдьове;
22.18. - промоция кнїжки: Любомир Медєши: Руска традиция у Доме култури,
у Руским Керестуре;
23.12. - промоция кнїжки: Любомир Медєши: Руска традиция у Новим Орахове;
24.12. - нащива др Маґдалени Веселинович-Шулц и уручованє кнїжки Любомира
Медєша: Руска традиция;
2008. рок
Януар:
17.01. - зоз академию у Студию М, подобову виставу и придаваньом припознаньох
у ВР АП Войводини, пригоднима
програмами у руских школох и руских штредкох означене Националне швето
Руснацох. Добитнк припознан за
обласц образованя Ирина Папуґа, Нови Сад;
25.01. - вистава III подобовей колониї Стретнуце у Боднарова, Ґосподїнци,
2007 у РКПД у Новим Садзе;
28.01. - Дружтво достало нови чечуци рах: 160-922673-49 при Банки INTESA
aд, Београд, Нови Сад (скорей Панонска банка);
Фебруар:
04-05.02. - реаґованє на нєпрецизносц Календара школских змаганох за
2007/2008. шк. рок у хторим, у Просвитним преґледу
Министерства просвити зоз Беоґраду вихабени термин републичного змаганя
з руского язика и язичней култури;
06.02. - промоция Библиоґрафиї виданьох на руским язику, автора Мариї
Чурчич, библиотекара Библиотеки Матици србскей
у орґанизациї Народней библиотеки "Стоян Трумич" у Тителу;
06.02. - послата информация о наступним 14. стретнуцу руских школох
хторе ше планує у ОШ „Св. Милетич“, у Вербаше;
07.02. - схадзка зоз експертами Совиту Европи (у ВР АП Войводини) коло
статусних питаньох руского язика и образованя
(прилог: материял за схадку и о активносцох у обласци образованя на
руским язику);
11.02. - замену наст. Наташи Перкович Шайтош у новосадских штреднїх
школох будзе окончовац Александер Мудри;
11.02. - придати прилоги дарунки Меланиї Маринкович и Гелени Гафич Стойков
Музею Войводини у Новим Садзе;
14.02. - у Просветним прегледу обявене дополнєнє Календара републичного
змаганя з руского язика - 17. май 2008. року;
21.02. - Медзинародни дзень мацеринского язика зоз читаньом поручeня
UNESCO и додзельованьом припознаньох
Координациного одбору дружтвох за язики, литературу и културу у Заводзе
за културу Войводини у Новим Садзе.
Добитнїк припознаня за очуванє мацеринского язика и Наталия Рамач, Нови
Сад.
Нови Сад, 25. фебруара 2008. року
